Cantares en Degaña

Ye Zarréu'l nome tradicional y oficial (dende'l día 13 de Mayu de 2009) d'una de les tres parroquies (o ún de los cinco núcleos rurales) del conceyu Degaña, y ta formada pola villa de Zarréu y por La Pruída.

Tien una tradición minera perimportante pola actividá d'Hullas del Coto Cortés, agora Coto Minero Cantábrico.

Zarréu

A parte de dexar seña na xeografía, ta nidio qu'esto tien que quedar afitao na cultura y nel folclore de Degaña, y alcordéme d'esta estrofa del cantar de la Saldiguera:

Como quieres que te quiera
siendo yo un pobre minero
quieres que venda el candil
para comprarte un pañuelo

Otru exemplu tenémoslu na Loya de San Francisco de 1974, recoyía por Arcides González y publicada nel blogue Camín Cimeiro nesti artículu.
Nes caberes estrofes l'autor, Luis González de “Casa Tomás” del Rebol.lal, fala de l'angustiosa espera de la familia'l mineru.

Monumentu a la familia minera en Zarréu

L'abegosa vida llaboral y personal d'estos trabayadores produz un sentimientu murniu, anque munchos pensarán que polo menos teníen o tienen trabayu.

Ilesia de Santa María en Zarréu

Camín Cimeiro:

• Degaña, Zarréu, Rebol.lal, Fonduveigas, Trabáu y El Corralín
• Loya de San Francisco

Ayuntamientu de Degaña:

• Parroquies

Asociación de Baille y Danza Filandón

• Discu "Cantares de Degaña"